Wednesday 17 June 2009

Marathi Kavita : देवराई

जाणीवेच्या आत खोल
एक जाणीव दाटलेली
वस्ती उठल्या गावात
एक चौकट मोडलेली ॥

भणभणे भकास वारा
घर मोडल्या गावकुसात
तुळशीविणा व्रुंदावन
उभे गवताळ अंगणात ॥

पडक्या देवळात
उभी विठ्ठल रखुमाई
ओस पडल्या गोठयाच्या
गिधाडा मुखी गाई ॥

उन्हं भाजल्या घरात
जळका कुबट वास
देवराई गेली जळुनी
उभी कोळश्यांची रास ॥

वहिवाटीच्या वाटा
कधीच गेल्या मोडुन
फ़ुलण्याआधीच कळ्या
कुणी नेल्या खुडुन ॥

स्थलांतरीत झाले सारे
राहीला ना मागमुस
गायरानी गवताचे
रान पडले भकास ॥

विजयकुमार.........

2 comments:

  1. ओस पडल्या गोठ्याच्या
    गिधाडा मुखी गाई॥

    विषण्ण करणारे सत्य.

    ReplyDelete
  2. khar ahe......

    ReplyDelete