विनाकारण रात्रभर रंगणारे संवाद
रात्री ३ ला झटका आल्यासारखे
वडाळा ते दादर चौपाटी फिरणे
शम्मी देव आनंदचे म्याटिनी सिनेमे
बादल थिएटर मधे बाजुच्या सीटवरचा
नाचला अचानक आणी नाचलो होतो
मी पहिल्यांदा झपाटल्या सारखा
भगवान दादाच्या अलबेलावर
आणी सगळे नाचले नंतर
सगळया मुंबईत थियेटर मधे
सिल्वर जुबिली होईपर्यंत
तो emergency चा ephoria
त्यानंतरच्या नसबंदीच्या गोष्टी
जनता पार्टीची हवा ,दोन तोंडांचा जनसंघ
हत्तीवरची सवारी करून परतलेली इंदिरा
होस्टेल वर पहिला घेतलेला rum चा घोट
एकेक सिगरेट ३-४ जन फुकायाचे दिवस
एका पाठोपाठ एकेकीवर जीव अड़कायचे दिवस
भांडणं ,रुसवेफुगवे आणी एका सिगरेट वर
नाहीतर rum च्या कॉरटरवर मांडवळीचे दिवस
....गेले ते दिन गेले
No comments:
Post a Comment