Thursday 6 October 2011

Marathi kavita : काव्यात जीवन

काव्यात जीवन की जीवनात काव्य
नेमके मला कळत नाही
'डेली रुटीनच्या 'चक्रात अडकलेल
जगणंही मला जमत नाही

माझ्या परीने कवितेचा
अर्थ वेगळा मी लावतो
धकाधकीच्या जीवनात हरवलेले
क्षण पुन्हा एकवार जगतो

तसं कविता करणे हा
माझा प्रांत नाही
भावना आवरू शकतो
शब्दांचा हट्ट जात नाही

कवितेतून प्रेमाचा अविष्कार करणे
आजकालची fashion बनलीय
प्रेमवेडी कविताही आज
कितेकांच्या 'दिल की धडकन' बनलीय


असत कवितेत कधी कधी
पर्ज्यन्यधारांच बरसण.....
तर कधी असत
नुसतंच कळीतून फूलाच उमलण ...

कधी कधी कविताही
नागमोडी वळणे घेत येते
जीवनातल्या खाच खळग्याना
अर्थ वेगळा देऊन जाते

खुपदा अस वाटत
आपणही कविता करावी
तिच्या स्वप्नील डोळ्यांना
शब्दांची ओंजळ वाहावी

.....आणि मग माझी
भावना बोलकी होते
शब्दांच लेणें लेऊन
............'कविता' बनून येते


कवि : डॉ परमेश्वर

3 comments:

  1. kupach sundar. uttam rachana

    ReplyDelete
  2. hiiiiii I am deepak chavhan your facebook friend...i read it poem ..your its poem is very gracefull and pleasent..keep it up.

    EXCELLENT..PARMESHWAR SIR

    ReplyDelete
  3. mala tar khup aawadle
    shabdanchi jullawani khup sundar ahe. tujhya budhicha tarka shabdawarun mahit padto

    ReplyDelete